У Бабруйску ўпершыню плануюць адзначыць Дзень бабра.
Паводле задумы, свята павінна канкураваць з амерыканскім Днём сурка, які адзначаецца 2 лютага.
Першы Дзень бабра пачнуць адзначаць раніцай 21 сакавіка.
Спачатку ўдзельнікі сьвята зьбіраюцца наведаць узбярэжжа Бярэзіны, каб тут паназіраць за хаткай бабра. Затым адбудуцца літаратурныя чытанні, конкурсы і выстава кнігаў, сувеніраў ды фатаздымкаў, якія прысвечаны сімвалу гораду.
Арганізоўваць Дні бабра ў горадзе на Бярэзіне прапанавала бабруйчанка Наталля Цымбурская. Дзесяткі лістоў у падтрымку ініцыятывы яна накіравала некалькі тыдняў таму ў гарадскія арганізацыі ды ўстановы, асобныя з якіх ужо падтрымалі актывістку.
На думку Наталлі Цымбурскай, Дні бабра дапамогуць зрабіць Бабруйск больш прывабным для турыстаў, а ў перспектыве свята можа нават канкураваць з Днём сурка ў ЗША.
Акрамя таго, адна з важных мэтаў акцыі — абарона жывёлаў ад шматлікіх паляўнічых.
Як чакаецца, галоўнай падзеяй году мусіць быць наступны Дзень бабра ўлетку. Найбольш верагодныя даты — 25‑26 чэрвеня. Сярод іншага, плануюцца сустрэчы з прадстаўнікамі запаведніку і прыродаахоўнай інспекцыі.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2222
Каментары