У Бабруйску п'яны рабочы абрабаваў краму, каб падарыць жонцы букет у дзень нараджэння
Уначы ў кветкавую краму зайшоў п'яны мужчына і на вачах у прадаўца выкраў дзевяць руж, паведамляе прэс-служба МУС. Жанчына паспрабавала ўтрымаць зламысніка, аднак той вырваўся. Прадавец тут жа патэлефанавала ў міліцыю.
Неўзабаве да пешага патруля пад'ехаў аўтамабіль таксі, у салоне якога знаходзіўся спячы пасажыр. Кіроўца растлумачыў, што нядаўна падвозіў мужчыну і яго сабутэльніка да кветкавай крамы. Апошні выйшаў з яе з кветкамі і замест таго, каб вярнуцца ў машыну і працягнуць паездку, папросту збег.
Мужчыну вылічылі вельмі аператыўна. Ім аказаўся 39-гадовы мясцовы жыхар, якога, як пазней высветлілася, і шукалі за крадзеж руж.
На злачынства бабруйчанін пайшоў праз алкагольнае ап'яненне, а падставай стаў дзень нараджэння жонкі, якой прызначаўся букет. Вось толькі кветкі міліцыянеры знайшлі за смеццеправодам.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары