Міністэрства аховы здароўя Украіны заключыла кантракт на пастаўку вакцыны ад COVID вытворчасці кітайскай кампаніі Sinovac Biotech. Па ўмовах кантракта 1,9 млн доз вакцыны павінны паступіць у максімальна кароткія тэрміны, піша РБК Украіна.
Паведамляецца, што вакцынаваць кітайскім прэпаратам будуць бясплатна. Прышчэпкі будуць рабіць украінцам з груп рызыкі і тым, хто задзейнічаны ў барацьбе з пандэміяй каранавіруса.
Характэрна, што вакцына яшчэ не прайшла рэгістрацыю ні ў Кітаі, ні ў іншых краінах.
Аднак Sinovac Biotech з'яўляецца найбуйнейшай кітайскай кампаніяй па вытворчасці вакцын. Штогод яна вырабляе ад 300 да 500 млн доз вакцын, якія ўхваленыя ў 34 краінах свету. У прыватнасці, кампанія распрацавала і вывела на рынак вакцыны супраць гепатыту А і В, вірусаў грыпу, уключаючы птушыны, паратыту.
Рашэнне аб закупцы вакцыны Sinovac Biotech супраць COVID-19 раней прыняла Турцыя. На студзень 2021 года плануецца ўхваленне гэтай вакцыны ў іншых краінах.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары