Міліцыя паведаміла, за што затрымала маму пяці дзяцей са Ждановічаў
У міліцыі пракаментавалі затрыманне 38-гадовай Вольгі Залатар, шматдзетнай маці. Яна трапіла на Валадарку, на наступны дзень суддзя Кацярына Новікава адправіла на суткі яе мужа.
«За актыўную пратэсную дзейнасць у дачыненні да яе распачатая крымінальная справа.
38-гадовая жыхарка пасёлка Ждановічы з'яўлялася адміністратарам мясцовага дваровага чата і арганізатарам несанкцыянаваных масавых мерапрыемстваў, так званых «чаяванняў», «прагулак», «канцэртаў». Гэтыя мерапрыемствы жанчына арганізоўвала з лета мінулага года і з'яўлялася іх актыўным удзельнікам», — паведамляе міліцыя.
18 сакавіка жыхарку Ждановічаў Мінскага раёна Вольгу Залатар затрымаў ГУБАЗіК. Гэтае ўпраўленне міліцыі, якое мае займацца арганізаванай злачыннасцю і карупцыяй, за апошні год пераключылася на палітычныя справы. Па словах суседзяў, сілавікоў было каля дзесяці.
Чытайце таксама: Маці-гераіня. Пяцёра дзяцей засталіся з бабуляй пасля затрымання бацькоў за палітыку
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам2
Каментары