Новая небяспека для чалавецтва: мікраарганізмы, што вызваляюцца з раставаннем вечнай мерзлаты
Даследаванне ўзораў глебы з рэгіёна вечнай мерзлаты дапамагае выявіць, як бактэрыі могуць паўплываць на адзін з найвялікшых запасаў вугляроду на Зямлі, калі ён пачне раставаць.
IsoGenie — буйны шведскі праект, распачаты ў 2010 годзе і прысвечаны вывучэнню мікраарганізмаў, якія жывуць у вечнай мерзлаце. Навукоўцы даследуюць Стурдаленскае балота, што на поўначы Швецыі, якое яшчэ некалькі дзесяцігоддзяў таму цалкам знаходзілася ў вечнай мерзлаце, піша часопіс Nature.
Аднак на сёння на ўсёй тэрыторыі Стурдаленскага балота ўтварыліся пагоркі, у якіх масіў вечнай мерзлаты часткова раздзелены сухімі тарфянішчамі. Цяпер навукоўцы назіраюць за зменамі, якія адбываюцца ў мікраарганізмах, што знаходзяцца ўнутры пагоркаў, якія працягваюць раставаць.
На працягу большай часткі гісторыі чалавецтва вечная мерзлата паглынала вуглярод, які назапашваўся ў яе слаях. Вечная мерзлата ўтрымлівае каля 1600 мільярдаў тон вугляроду, што ўдвая больш за колькасць вугляроду ў атмасферы цяпер.
Праз павышэнне тэмпературы зона вечнай мерзлаты змяншаецца, што выклікае значныя змены ў ландшафце. Навукоўцы занепакоеныя, што пацяпленне клімату прыводзіць да павышэння актыўнасці мікробаў у вечнай мерзлаце. Пра гэтыя мікраарганізмы раней не было нічога вядома, бо яны знаходзіліся пад глыбамі лёду, але цяпер мікробы з вечнай мерзлаты выклікаюць вялікую цікавасць у даследчыкаў.
Навукоўцы мяркуюць, што глабальнае пацяпленне можа стаць прычынай вызвалення бактэрый, якія вылучаюць метан і вугляродны газ.
Даследчыкі, якія займаюцца праектам IsoGenie, адзначаюць, што глыбокія зоны арктычных азёр маюць вялікую колькасць мікраарганізмаў, што вылучаюць метан. Яны рэагуюць на павышэнне тэмпературы, таму глабальнае пацяпленне можа справакаваць выкід газу ў верхнія слаі вадаёмаў, што прывядзе да сур’ёзных экалагічных наступстваў.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх16
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары