У судзе Брэсцкага раёна вынесеныя прысуды шасцярым хлопцам, якіх прызналі вінаватымі паводле ч.2 арт. 339 Крымінальнага кодэкса, паведамляюць праваабаронцы.
Падставай для затрымання стала нанясенне надпісаў накшталт «3%» на помнік Леніну ў пасёлку Дамачаве (Брэсцкі р-н). Паводле версіі следства, надпісы нанеслі шэсць чалавек. Спачатку справаводства ў дачыненні да аднаго з абвінавачаных вынеслі ў асобную справу — хутчэй за ўсё, з прычыны таго, што той пастаянна пражывае не ў Беларусі. Але на судзе 23 сакавіка было вырашана гэтыя справы аб'яднаць, а 6-га абвінавачанага выклікаць на суд.
«Белсат» паведамляе, што восьмага красавіка суддзя Сяргей Маручак прысудзіў:
- Яраславу Бураку — 3 месяцы арышту. Зараз ён праходзіць службу ў войску — працягне яе пасля таго, як адбудзе пакаранне на гаўптвахце ў Мінску. Гэты тэрмін не пойдзе ў тэрмін службы.
- Дзмітрыю Харсу — 1 месяц арышту.
- Кірылу Бекішу і Дзянісу Чарныгіну — 2,5 гады «хатняй хіміі».
- Аляксандру Нікіціну і Уладзіславу Цярэшку — 1,5 года «хатняй хіміі».
Усім хлопцам — 17-19 гадоў. У жніўні ў пасёлку Дамачава яны распісалі помнік Леніну, пакінулі на ім надпісы «3%», «Уходи», «Жыве Беларусь!». Усіх вінавацілі ў хуліганстве.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА22
Каментары