«Мужчына спытаў у мяне плоскую адвёртку». Дзіўны суіцыд у краме ў Ваўкавыску
У панядзелак 26 красавіка ў ваўкавыскую прадуктовую краму «Зарніца» зайшоў мужчына. У каўбасным аддзеле ён узяў нож — і ўдарыў сябе ў жывот. Мужчына памёр на месцы.
Цікава, што крама «Зарніца» належыць выпраўленчай установе — калоніі №11. Але знаходзіцца не на тэрыторыі калоніі, а проста ў горадзе, гандлюе прадуктамі.
«Наша Ніва» звязалася з загадчыцай крамы, але жанчына адмовілася размаўляць аб здарэнні.
У суседняй краме распавялі, што літаральна перад трагедыяй да іх завітаў вельмі падазроны кліент.
«Учора заходзіў нейкі мужчына — я не магу дакладна сцвярджаць, што гэта ён, але вельмі падобна да таго. Гэта быў чалавек гадоў 40 на выгляд, неахайна апрануты: джынсы расшпіленыя. Невысокі рост, хударлявы мужчына, — распавялі ў суседняй краме. —
Было падобна, што ён пад нейкімі наркотыкамі. Спайсы, можа, ці што? Бо вельмі дзіўныя вочы былі ў яго, такія мутныя. Але алкаголем не пахла.
Гэты мужчына спытаў у мяне адвёртку. Кажа, не крыжавую, а плоскую трэба. Я адказала: мы інструментам не гандлюем. Ён адразу выйшаў і пайшоў у «Зарніцу».
Але зноў жа — не магу сцвярджаць, што тое быў дакладна адзін і той жа чалавек. Сама я труп не бачыла. А прадавачкі з «Зарніцы» цяпер маўчаць — напэўна, ім далі загад ні з кім не гаварыць на гэтую тэму».
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары