Яшчэ ў красавіку прадстаўнікі партыі Бабарыкі «Разам» спрабавалі сустракацца з прыхільнікамі ў рэгіёнах. Сустрэча ў Маладзечна павінна была стаць першай у шэрагу рэгіянальных знаёмстваў анансаванай партыі з яе прыхільнікамі, але правесці мерапрыемства тады не дала міліцыя.
Цягам красавіка і траўня прадстаўнікі штаба рыхтавалі яшчэ шэраг рэгіянальных сустрэч, але ў большасці месцаў яны скасоўваліся «па тэхнічных прычынах на пляцоўках». Усё зрывалася за дзень-два да прызначанага часу.
«У нас атрымалася правесці дзве сустрэчы ў Мінску. А пасля стала зразумела, што на гэты момант сабрацца з прыхільнікамі бяспечна праблематычна. Агульнае становішча ў краіне, на жаль, пагоршылася цягам апошніх месяцаў. Мы перайшлі на анлайн-фарматы. Цяпер у нас праходзяць сустрэчы па абмеркаванні партыйнай праграмы, рэгламенту працы арганізацыі. Такіх ужо было каля чатырох. Таксама працягваюцца сустрэчы для тых, хто толькі падае заяўку на ўступ у партыю. Агулам гэты ж анлайн-фармат і будзе выкарыстоўвацца бліжэйшымі месяцамі», — каментуе ўдзельнік аргкамітэта Іван Краўцоў.
Антон Раднянкоў, Іван Краўцоў, Максім Знак, Марыя Калеснікава, Ілля Салей. Фота Паўла Крычко.
На сёння на сайт партыі «Разам» было пададзена ўжо 7 тысяч заявак і былі запоўненыя 3700 анкет.
«Што ў нас яшчэ адбываецца? З актуальнага — унутрыпартыйнае ўтварэнне, узгадненне праграмы, пабудова ўстойлівай супольнасці прыхільнікаў. На ўсе нашыя дзеянні вельмі ўплывае кантэкст краіны, мы будзем улічваць яго у тым ліку ў частцы правядзення ўстаноўчага з’езда», — дадае Іван Краўцоў.
«У панядзелак Віктар Бабарыка павінен сказаць у судзе апошняе слова. Упэўнены, як заўсёды, яно дадаткова натхніць нас і нагадае пра агульную мэту, дзеля якой мы ўсе ўжо больш за год укладаем свае высілкі ў перамены ў нашай краіне».
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары