У Кіеве на нацыянальным спартыўным комплексе «Алімпійскі» праходзіць грандыёзны ўрачысты канцэрт «Дзень нараджэння краіны» да Дня незалежнасці Украіны.
Музычнае шоу разгортваецца на сцэне, якая імітуе ДНК. Канцэрт пачаўся з 3D-шоу, якое ілюстравала сімволіку свята. Дзейства суправаджалася тэатралізаваным казацкім танцам.
Адразу пасля гэтага на сцэну выйшла народная артыстка і герой Украіны Сафія Ратару і праспявала адну з самых вядомых у свеце ўкраінскіх песень аўтарства Уладзіміра Івасюка «Червона рута».
Удзел у канцэрце таксама бяруць самыя вядомыя ўкраінскія артысты. Таксама на канцэрце выступаў гурт Brutto.
Каментары