Цела падазраванага ў забойстве 22-гадовага хлопца з Лядна знайшлі ў раёне вёскі Падлессе ў панядзелак, 6 верасня. Яго каля абеду выявіў мужчына і патэлефанаваў у міліцыю. Цела, калі яго знайшоў жыхар Слуцка, знаходзілася побач з аўтамабілем у лесапаласе за 500 метраў ад дарогі. Верагодна, падазраваны застрэліўся з уласнай паляўнічай стрэльбы.
Нагадаем, у нядзелю ў вёсцы Лядна забілі 22-гадовага хлопца. Як паведамлялася раней, ён сустракаўся з дзяўчынай, чымсьці яе пакрыўдзіў. На абарону дзяўчыны стаў яе брат. Сустрэўшы хлопца пасля працы, вырашыў «пагаварыць». Невядома, што адбывалася падчас гэтай «гутаркі», але маладога чалавека забілі — ударылі больш за дзесяць разоў нажом.
Пасля гэтага мужчына сеў у аўтамабіль і з'ехаў.
Каментары