Улады Чарнагорыі апублікавалі спіс людзей, якія атрымалі «залаты пашпарт». У яго трапіў і беларускі бізнэсмен з Топ-40
У некаторых краінах свету ёсць інстытут «залатога пашпарта» — трэба інвеставаць пэўную суму грошай у эканоміку, каб атрымаць пашпарт без дадатковых умоў. Магчымасцю карыстаюцца заможныя людзі. І вось, улады Чарнагорыі апублікавалі спіс асоб, якія атрымалі залатыя пашпарты за апошні час.
Каб атрымаць грамадзянства гэтай дробнай краіны па-за межамі ЕС, заяўніку трэба інвеставаць у нерухомасць ад 250 тысяч еўра на поўначы краіны, або ад 450 тысяч еўра на поўдні.
У апублікаваным спісе большасць — расіяне. Але ёсць двое беларусаў. Гэта ІТ-прадпрымальнік Дзмітрый Хусаінаў са сваёй жонкай Марынай Ярмаловіч.
Мяркуючы па дакуменце, новае грамадзянства Хусаінаў атрымаў у пачатку 2021 года.
Хусаінаў знаходзіцца на 40 месцы ў новым рэйтынгу найбольш паспяховых і ўплывовых прадпрымальнікаў Беларусі ад ej.by. Ён вядомы па сваёй кампаніі мабільных гульняў Belka Games, якая апошнімі гадамі паказвае шалёны прырост.
У Belka Games — альянс з амерыканскім выдаўцом гульняў AppLovin, гульні беларусаў сцягваюцца тысячамі людзей штодзень, у кампаніі шматмільённыя абароны, прыбыткі вымяраюцца дзясяткамі мільёнаў даляраў. Раней Belka Games адкрыла офіс у Літве.
Хусаінаў быў лаўрэатам фонду прэзідэнта Беларусі па падтрымцы таленавітай моладзі. Яму 35 год.
Беларускае заканадаўства не прызнае наяўнасці ў грамадзяніна пашпарта іншай дзяржавы.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары