14 кастрычніка Аляксандр Калеснікаў у СІЗА сустрэўся са сваёй дачкой. Пагаварылі праз шкло па тэлефоне гадзіну. Маша выглядае бадзёрай, шмат чытае і сочыць за навінамі, паведамляе штаб Віктара Бабарыкі.
— Маша хацела б падпісацца на «Новую газету». Яна ў курсе, што галоўнаму рэдактару ўручана Нобелеўская прэмія. Машу гэта захапіла, і яна прасіла перадаць свае велізарныя віншаванні Дзмітрыю Муратаву, — распавёў Аляксандр Паўлавіч.
Марыя таксама ўспомніла пра прэмію ў галіне правоў чалавека імя Вацлава Гаўла, якую ёй прысудзілі. Яна вельмі ганарыцца гэтай узнагародай і лічыць, што гэтая прэмія — для ўсіх палітвязняў.
Паплечніца спачатку Віктара Бабарыкі, а затым Святланы Ціханоўскай Марыя Калеснікава была затрыманая 7 верасня 2020 года. Амаль роўна праз год, 6 верасня 2021 года, яна была асуджана да 11 гадоў калоніі за «заклікі пашкодзіць бяспецы Рэспублікі Беларусь», «змову з мэтай захопу ўлады» і «стварэнне экстрэмісцкага фармавання». Разам з ёй да 10 гадоў калоніі быў асуджаны юрыст Максім Знак.
-
Камандуючы ВПС: Колькасць замежных войскаў ля межаў Беларусі зменшылася, з краінамі НАТА ідзе ўзаемадзеянне
-
Беларуса ў жаданні абмежаваць паўсюдную рэкламу казіно падтрымала Мінгандлю. Але прапагандысты параілі яму «не лезці не туды»
-
У гарах Кыргызстана з дрона адшукалі целы зніклых беларускіх альпіністаў
У гарах Кыргызстана з дрона адшукалі целы зніклых беларускіх альпіністаў8
Каментары