У Pfizer заявілі, што іх новая таблетка на 89% зніжае рызыку шпіталізацыі і смерці праз кавід
Pfizer абвясціла аб завяршэнні другой фазы выпрабаванняў лекаў ад каранавіруса. Яго эфектыўнасць ад цяжкага працякання хваробы і смерці склала 89%.
Лекі пад назвай Paxlovid выпускаюцца ў капсулах.
У даследаваннях ўзялі ўдзел 1,2 тысячы хворых на карону з груп рызыкі. Толькі 0,8% з тых, хто прымаў лекі на працягу першых трох дзён пасля атрымання сімптомаў, апынуліся ў бальніцы. У групе плацэба гэты паказчык склаў 7%.
У ходзе выпрабаванняў ні адзін чалавек, які атрымаў прэпарат не памёр, у той час як у групе плацэба хвароба 1,6% чалавек скончылася смерцю.
У Pfizer заявілі, што прыпыняюць выпрабаванні і пачынаюць рыхтаваць дакументы для перадачы ва ўпраўленне па кантролі за прадуктамі і лекамі ЗША (FDA).
4 лістапада Вялікабрытанія першай у свеце ўхваліла прымяненне супраць кароны прэпарата малнупіравір вытворчасці кампаніі Merck.
Каментары