Пачаўся рэгулярны рух электрацягнікоў па лініі Калінкавічы — Светлагорск — Жлобін
Сёння яго ўрачыста адкрыў у Калінкавічах начальнік Беларускай чыгункі Уладзімір Марозаў.
Электрыфікацыя ўчастка Калінкавічы — Жлобін пачалася ў 2018 годзе. За гэты час пабудаваныя дзве цягавыя падстанцыі, тры раёны кантактнай сеткі, іншыя аб'екты.
Дзякуючы гэтай лініі, значна спросціцца чыгуначная камунікацыя як паміж самімі гэтымі населенымі пунктамі, так і з Мінскам.
Удасканаляцца і грузавыя перавозкі: у першым паўгоддзі будзе арганізаваны грузавы рух на электрацязе са станцыі Барбароў, якая абслугоўвае Мазырскі НПЗ, у кірунку Калінкавічы — Жлобін.
Раней прэс-служба БЧ паведамляла, што з 28 снежня па новаадкрытым маршруце будуць курсіраваць два пасажырскія цягнікі рэгіянальных ліній бізнэс-класа — № 876/875 і № 874/873. Яны будуць адпраўляцца з Калінкавічаў у 6:02 і 18:22 адпаведна, з Мінска — у 20:48 і 14:00.
Цягнікі будуць рабіць прыпынкі на станцыях Светлагорск-на-Бярэзіне, Жлобін, Чырвоны Бераг, Бабруйск, Асіповічы-1, Пухавічы.
Уладзімір Марозаў падчас адкрыцця новай лініі паведаміў таксама, што Беларуская чыгунка набыла 10 сучасных электрацягнікоў. Шэсць ужо пастаўленыя, а чатыры павінны быць у першым паўгоддзі 2022 года.
Беларуская чыгунка прызначыла яшчэ 16 дадатковых цягнікоў у навагоднія і калядныя святы
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары