Каласальнае вывяржэнне падводнага вулкана ў Ціхім акіяне: цунамі ўдарыла па Тонга і рухаецца да Новай Зеландыі
Вывяржэнне гіганцкага падводнага вулкана ў Ціхім акіяне выклікала цунамі ў размешчанай непадалёк астраўной дзяржаве Тонга, піша Бі-бі-сі.
На кадрах, апублікаваных у сацыяльных сетках, бачна, як вада залівае царкву і некалькі дамоў. Відавочцы паведамляюць пра дождж з попелу ў сталіцы Нукуалофа, за 65 кіламетраў ад вулкана. Караля Тонга эвакуявалі з палаца.
Tsunami videos out of Tonga this afternoon following the Volcano Eruption. pic.twitter.com/JTIcEdbpGe
Папярэджанне аб цунамі прымусіла мясцовых жыхароў эвакуявацца на ўзвышшы.
Аб'явы пра пагрозу цунамі былі распаўсюджаныя ўладамі шэрагу краін, размешчаных у Паўднёва-Ціхаакіянскім рэгіёне, уключаючы Тонга, Фіджы, Аўстралію і Новую Зеландыю.
Жыхарка Тонга Мерэ Таўфа распавяла, што вывяржэнне адбылося, калі яна з роднымі рыхтавалася да вячэры, і яе малодшы брат вырашыў, што паблізу выбухаюць бомбы.
«Маім першым парывам было схавацца пад сталом, я схапіла малодшую сястру і крыкнула бацькам і астатнім, хто быў у доме, каб яны зрабілі тое ж самае».
Па словах жанчыны, пасля гэтага ў дом хлынула вада.
«Паўсюль былі чутныя крыкі, людзі крычалі, што трэба бяспечнае месца, каб усе падняліся на высокія месцы», — дадала яна.
Can literally hear the volcano eruption, sounds pretty violent. pic.twitter.com/gX6z2lSJWf
Гэта апошняе з серыі вывяржэнняў вулкана Хунга-Тонга-Хунга-Хапаай. Слупы газу, дыму і попелу, якія вырываліся з жарала вулкана, дасягалі ў вышыню 20 кіламетраў.
Спецыяліст па вулканалогіі ва ўніверсітэце Окленда, прафесар Шэйн Кронін кажа, што гэта адно з наймагутных вывяржэнняў на Тонга за апошнія 30 гадоў.
«Самае характэрнае ў гэтым — гэта наколькі хутка і бурліва яно распаўсюдзілася. Цяперашняе вывяржэнне аказалася куды больш буйным, імклівым, са значна большай колькасцю выкінутага попелу. Я чакаю, што на Тонга асядзе пласт попелу некалькі сантыметраў у таўшчыню», — сказаў прафесар у інтэрв'ю Бі-бі-сі.
Васьміхвіліннае вывяржэнне было такім магутным, што падобныя да грымот гукі былі чутныя нават на Фіджы — больш чым за 800 кіламетраў ад вулкана. Улады выспы таксама рэкамендавалі жыхарам пакінуць прыбярэжныя раёны і адкрылі цэнтры эвакуацыі.
-
«Цяпер мы ядзім усяго раз на дзень». Чаму сірыйцы становяцца ўсё бяднейшымі пасля падзення рэжыму Башара Асада
-
ФБР абвінаваціла Паўночную Карэю ў крадзяжы больш як 6 мільярдаў даляраў з Binance
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх13
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары