У Расіі настаўніца задала чацвёртакласнікам на дом прачытаць эратычную казку Пушкіна
У горадзе Рэж Свярдлоўскай вобласці настаўніца задала на дом чацвёртакласнікам прачытаць эратычную казку Аляксандра Пушкіна «Цар Мікіта і 40 яго дачок». У выніку скандалу жанчына напісала заяву на звальненне.
Пра інцыдэнт у расійскай школе стала вядома 27 студзеня, піша lenta.ru.
У электронным дзённіку 70-гадовы педагог напісала, што дзецям неабходна прачытаць казку «Цар Мікіта і 40 яго дачок». Разгарэўся скандал, бацькі дзяцей абурыліся.
Дырэктар школы Святлана Шышканава патлумачыла, што адбылася памылка.
У выніку педагог напісала заяву аб звальненні. «Яна сапраўды хоча звольніцца, але справа ў тым, што працаваць у школе няма каму, таму мы спадзяемся, што настаўнік усё ж такі застанецца», — заявіла начальнік гарадскога ўпраўлення адукацыі Ірына Клюева.
Паводле яе слоў, педагогу далі некалькі дзён адпачынку, каб прыйсці ў сябе. Выкладчыца вяла ўрокі ў чацвёртакласнікаў, пакуль іх асноўны педагог быў у дэкрэце.
«Улічваючы ўзрост, улічваючы такую нагрузку, яна замест іншай казкі ўнесла вось гэтага «Цара Мікіту». Там у праграме даецца пералік твораў. Настаўніку трэба проста скапіяваць і ўставіць. Тут яна дапусціла промах», — заявілі ў гарадскім упраўленні адукацыі.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх16
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары