Дзяцей абавяжуць вучыцца ў школе 11 год. Лукашэнка падпісаў кодэкс аб адукацыі, расказваем, што зменіцца
Школьнікаў абавяжуць заканчваць 11 класаў, а пасля здаваць цэнтралізаваны экзамен. Ільготы пры паступленні атрымаюць выпускнікі вайскова-патрыятычных класаў, а таксама дзеці сілавікоў, якія загінулі ці сталі інвалідамі пры выкананні службовага доўгу. Кодэкс уступіць у сілу з 2023 года.
У кодэксе замацаваныя наступныя рэчы:
— У новай рэдакцыі Кодэкса прадугледжваецца ўсеагульнае атрыманне агульнай сярэдняй адукацыі (цяпер — агульная базавая адукацыя), правядзенне выніковай атэстацыі па завяршэнні агульнай сярэдняй адукацыі па асобных вучэбных прадметах у выглядзе цэнтралізаванага экзамена. Парадак яго правядзення будзе зацверджаны Міністэрствам адукацыі.
— Пашыраецца сфера прымянення мэтавай падрыхтоўкі для арганізацый, размешчаных не толькі ў малых населеных пунктах і на забруджаных тэрыторыях, але і ў іншых населеных пунктах, прадугледжваецца функцыянаванне на ўзроўні прафесійна-тэхнічнай і сярэдняй спецыяльнай адукацыі каледжаў, на ўзроўні вышэйшай адукацыі: універсітэтаў, акадэмій і інстытутаў.
— Дыстанцыйнае навучанне ў Кодэксе замацоўваецца як самастойная форма атрымання адукацыі, усталёўваецца магчымасць рэалізацыі адукацыйных праграм з дапамогай сеткавай формы ўзаемадзеяння паміж установамі адукацыі.
— Па асобных тэхнічных і медыцынскіх спецыяльнасцях ўводзіцца спецыяльная вышэйшая адукацыя.
Таксама будуць класы спартыўна-педагагічнай і ваенна-патрыятычнай скіраванасці, а таксама прадастаўляюцца льготы дзецям ваеннаслужачых, супрацоўнікаў органаў унутраных спраў, загінулых (памерлых) або стаўшых інвалідамі пры выкананні службовых абавязкаў, асобам, якія здалі адзіны дзяржаўны экзамен у Расіі (пры паступленні на платную форму навучання).
— З'яўляецца новы від дадатковай адукацыі: адораных дзяцей і моладзі на базе Нацыянальнага дзіцячага тэхнапарку.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку12
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары