У баранавіцкім ІЧУ Баранавічы ў ізалятары на Акрэсціна ў Менску не прымаюць перадачы для затрыманых, паведамляюць праваабаронцы.
Цяпер там утрымліваюцца людзі, затрыманыя на антываенных пратэстах у Мінску.
9 сакавіка стала вядома, што перадачы для затрыманых не прымаюць у ізалятары Жодзіна, дзе таксама ўтрымлівацца затрыманыя на антываенных мітынгах 27 і 28 лютага.
У Баранавічах сваякам арыштаванага па «палітычным» артыкуле адказалі, не беручы перадачу: «Нам забаранілі».
Афіцыйная прычына — каранавірус. Перадаваць затрыманым можна толькі лекі.
Праваабаронцы нагадваюць, што ў Беларусі існуе афіцыйны пералік падстаў для адмовы ў прыёме перадач. Адмовы ў прыёме перадач у сувязі з эпідэміялагічнай абстаноўкай у ім няма. Але гэта, як і многае іншае, нікога не хвалюе.
Чытайце таксама:
«Мы проста марылі патрапіць у карцар». Мінчанка расказала пра здзекі з затрыманых у ізалятарах
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары