Прэзідэнт Расіі Уладзімір Пуцін спадзяваецца, што на Захадзе адбудзецца раскол, паколькі ўварванне ва Украіну працягваецца, папярэдзіў прэзідэнт ЗША Джо Байдэн, выступаючы на саміце G7 ў Германіі.
Байдэн пахваліў саюзнікаў, якія з'ядналіся і супрацьстаялі Крамлю на працягу апошніх чатырох месяцаў, піша «Бі-бі-сі».
«Мы павінны заставацца разам, бо Пуцін з самага пачатку разлічваў на тое, што NATO і G7 расколюцца. Але мы не зрабілі гэтага і не збіраемся. Мы не можам дазволіць гэтай агрэсіі застацца непакаранай», — заявіў прэзідэнт ЗША.
Асобна Байдэн цёпла выказаўся на адрас канцлера Шольца, які прымае саміт у Баварыі. Ён пахваліў яго за ўплыў на Еўропу ў перыяд узрушэнняў, выкліканых вайной і наступным глабальным эканамічным спадам.
Па словах высокапастаўленага супрацоўніка амерыканскай адміністрацыі, Вашынгтон ўкладвае вельмі шмат у адносіны з Германіяй з тых часоў, як Байдэн заняў сваю пасаду паўтара гады таму.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе4
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары