Ратавальнікі скончылі разбор завалаў у Вінніцы, загінулі 23 чалавекі
Ратавальнікі ў Вінніцы скончылі разбор завалаў. Па звестках Дзяржаўнай службы надзвычайных сітуацый Украіны, у выніку расійскага абстрэлу цэнтра горада загінулі 23 чалавекі.
Наступствы ўдару па Вінніцы. Фота: ДСНС
Усяго па медыцынскую дапамогу звярнуліся 202 чалавекі, з іх 68 шпіталізаваныя (у тым ліку 4 дзіцяці). Астатнім медыцынская дапамога была аказаная амбулаторна.
Пашкоджаныя і разбураныя 55 дамоў, 40 аўтамабіляў і 2 трамваі.
Вінніцу абстралялі раніцай 14 ліпеня. Ракеты «Калібр», выпушчаныя з падводнай лодкі ў Чорным моры, патрапілі ў офісны будынак. Пацярпелі таксама Дом афіцэраў і жылыя дамы. Агонь перакінуўся на аўтастаянку, на якой гарэлі дзясяткі аўтамабіляў.
Каментары