Міністр фінансаў: Беларусь верне 1,7 млрд рублёў ад падатковага манеўру
Міністр фінансаў Юрый Селіверстаў паведаміў, што Беларусь атрымае ад падатковага манеўру 1,7 млрд рублёў, а расійскія крэдыты спадзяюцца часткова рэфінансаваць. Словы міністра прыводзіць БелТА.
Мінску ўдалося ўрэгуляваць з Масквой пытанне аб падатковым манеўры ў нафтавай сферы. Была падпісаная Дамова аб агульных прынцыпах падаткаабкладання па ўскосных падатках. У ёй утрымліваецца вырашэнне пытання па зваротных акцызах, што звязана з коштам нафты для беларускага боку.
Ужо з 1 студзеня 2023 года Беларусь будзе атрымліваць зваротны акцыз за два гады і такім чынам папаўняць бюджэт. «Гэта нам дасць дадатковыя недаўгавыя крыніцы для бюджэту ўжо з 1 студзеня. Зваротны акцыз будзе прыходзіць дзесьці на суму 1,7 млрд беларускіх рублёў», — паведаміў Селіверстаў.
Міністр фінансаў таксама расказаў пра планы выплат па знешніх абавязках у наступным годзе. Для «несяброўскіх» краін, па яго словах, магчымасці аплаты абмежаваныя, пакуль з Нацбанка не здымуць санкцыі. З Расіяй жа ёсць спадзяванні доўг часткова рэфінансаваць, то-бок атрымаць ад яе новы крэдыт на сплату папярэдняга.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?3
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары