Два беларускія банкі, Парытэтбанк і Тэхнабанк, аднавілі міжнародныя пераводы па сістэме SWIFT, паведамляе Office Life.
Парытэтбанк паведаміў аб аднаўленні з 1 снежня адпраўкі міжнародных грашовых пераводаў SWIFT у еўра для фізічных асоб, якія прыпыняліся некалькі дзён таму. Аб аднаўленні з 1 снежня адпраўкі міжнародных SWIFT-пераводаў у далярах паведаміў 30 лістапада і Тэхнабанк.
У лістападзе, як паведамлялася раней, адразу некалькі беларускіх камерцыйных банкаў змянілі ўмовы міжнародных пераводаў для фізічных асоб.
У выпадку Тэхнабанка гаворка ішла аб абмежаванні для фізічных асоб адпраўкі SWIFT-пераводаў у далярах у мэтах куплі аўтамабіля і спадарожных паслуг на суму ад 10 тыс. даляраў.
Парытэтбанк з 24 лістапада прыпыніў адпраўку міжнародных грашовых пераводаў SWIFT у еўра для фізічных асоб. Але ў банку назвалі гэтае рашэнне тэхнічным і абяцалі неўзабаве вярнуць кліентам такую магчымасць.
Прыёрбанк і РРБ-Банк, якія таксама ўводзілі абмежаванні па валютных SWIFT-пераводах, пакуль нічога пра іх аднаўленне не паведамлялі.
Чытайце таксама:
Беларускія банкі масава мяняюць умовы SWIFT-пераводаў
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары