Кардынал Свёнтэк у дзень свайго нараджэння а 11.00 узначаліць святую Імшу ў пінскай катэдры Унебаўзяцця Найсвяцейшай Панны Марыі (вул. Леніна, 18).
Сапраўдны юбілей будзе адзначаць 21 кастрычніка 2009 г. кардынал Казімір Свёнтэк, Апостальскі адміністратар Пінскай дыяцэзіі, Мінска‑Магілёўскі арцыбіскуп на пенсіі. У гэты дзень беларускаму іерарху, аднаму з найстарэйшых у свеце, споўніцца 95 гадоў.
Кардынал Свёнтэк у дзень свайго нараджэння а 11.00 узначаліць святую Імшу ў пінскай катэдры Унебаўзяцця Найсвяцейшай Панны Марыі (вул. Леніна, 18). Канцэлебраваць літургію будуць святары Пінскай дыяцэзіі. Пасля Эўхарыстыі іерарх і ўсе прысутныя накіруюцца да труны благаслаўлёнага біскупа Зыгмунта Лазінскага, праз заступніцтва якога ўзнясуць да Бога малітвы ў інтэнцыі юбіляра.
Кожны год у гэты дзень да іерарха прыязджаюць шматлікія браты ў святарстве, сёстры законныя, а таксама простыя вернікі, каб памаліцца за свайго пастыра і павіншаваць яго. Як вядома, блізкіх людзей не запрашаюць, бо для іх вялікае шчасце далучыцца да радасных момантаў роднага па крыві або па духу чалавека. Да гэтых людзей, шаноўныя наведвальнікі нашага партала, можаце далучыцца і вы. В
іншаванні і пажаданні юбіляру можна даслаць па электронным адрасе або на паштовую скрынку.E‑mail: [email protected]
Адрас: вул. Леніна, 16, 225710 Пінск, Беларусь
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары