ГУР Украіны: Пуцін аддаў загад да сакавіка захапіць Данецкую і Луганскую вобласці
Прадстаўнік Галоўнага ўпраўлення разведкі Міністэрства абароны Украіны Андрэй Чарняк у каментарыі выданню Kyiv Post заявіў, што ёсць прыкметы таго, што Расія рыхтуецца да новай спробы масіраванага наступу і захопу ўсходу краіны.
«Мы назіраем, што расійскія акупацыйныя войскі перасоўваюць на ўсход дадатковыя штурмавыя групы, падраздзяленні, узбраенне і ваенную тэхніку. Паводле звестак вайсковай выведкі Украіны, Пуцін аддаў загад да сакавіка захапіць тэрыторыі Данецкай і Луганскай абласцей», — сказаў Андрэй Чарняк.
Таксама, прадстаўнік ГУР МА Украіны адзначыў, што Расія выкарыстоўвае тэрыторыю Беларусі для падрыхтоўкі мабілізаваных салдат і не мае дастатковых сіл і сродкаў, каб пачаць у бліжэйшыя тыдні масіраваны наступ на Украіну з гэтага кірунку.
«На сёння сфармаваных ударных груп няма. Няма пагрозы прыцягнення Беларусі да поўнамаштабнага ўварвання на баку Расіі супраць Украіны, але гэта таксама, безумоўна, рызыкі, якія мы павінны ўлічваць», — заявіў прадстаўнік вайсковай разведкі Украіны.
Каментары