Расія ўчора выдала Беларусі Дзяніса Хахлова, падазраванага ў «грубым парушэнні парадку» (арт. 342 КК). «Медыязона» са спасылкай на праваабарончую арганізацыю «Грамадзянскае садзеянне» паведамляе, што Хахлова ўжо даставілі з Масквы ў ІЧУ ў Круглым на Магілёўшчыне, і хутка ён будзе пераведзены ў СІЗА.
Дзяніс Хахлоў жыў у Расіі з лютага 2023 года, туды ён з'ехаў, бо баяўся пераследу на радзіме. З Расіі ён збіраўся з'ехаць у Грузію, але ў чэрвені 2023 года быў затрыманы ў Кабардзіна-Балкарыі праз тое, што знаходзіўся ў міждзяржаўным вышуку на запыт Беларусі.
Дзяніс — айчым ужо асуджанага за ўдзел у пратэстах на два гады «хатняй хіміі» Уладзіслава Лагуценкі.
Цяпер чытаюць
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1010
Каментары