Ратавальнікі знайшлі целы ўсіх васьмярых удзельнікаў смяротнай экскурсіі па маскоўскіх калектарах. Экскурсавода Канстанціна Філіпава і адну з удзельніц — Дар'ю Быкаву — знайшлі каля парка «Зараддзе», а Дзмітрыя Маркушына і яго дачка Лізу — каля Вялікага Усцінскага моста, паведамляе тэлеграм-канал Shot.
Вось спіс загінулых:
- — Андрэй Фадзееў, 63 гады
- — Алена Фадзеева, 63 гады
- — Дар'я Быкава, 34 гады
- — Віка Шнейдэр, 15 гадоў
- — Глеб Лагашын, 17 гадоў
- — Ліза Маркушына, 15 гадоў
- — Дзмітрый Маркушын, 47 гадоў
- — Канстанцін Філіпаў, 31 год
Пошукавая аперацыя завершана.
Экскурсія, якая скончылася трагедыяй, прайшла 20 жніўня. Пасля залевы з групай знікла сувязь, сваякі зніклых звярнуліся ў паліцыю. Пачаліся пошукі.
21 жніўня ў Маскве-рацэ былі выяўленыя целы Глеба і яго дзяўчыны. Потым знайшлі астатніх.
На сайце, дзе можна было за 9 тысяч расійскіх рублёў з чалавека заказаць экскурсію па калектарах, гаворыцца, што мерапрыемства не праводзіцца падчас дажджу. Чаму гэтае правіла было парушана, пакуль невядома.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца4
Каментары