Пад Жабінкай у дальнабойніка выявілі дакументы, запоўненыя «шпіёнскім» чарнілам
На дальнабойніка-міжнародніка, які працуе на казахстанскую фірму, завялі крымінальную справу пасля праверкі дазволу на міжнародныя грузаперавозкі, паведамляе прэс-служба Дзяржкамітэта судовых экспертыз. Пры гэтым у справе гэтай зусім незвычайныя абставіны.
Калі пад Жабінкай інспектары праверылі ў мужчыны дакументы падчас вагагабарытнага кантролю, то ім здаўся падазроным дазвол на перавозку грузу, пасля чаго дакумент адправілі на экспертызу.
Эксперты ж выявілі, што хоць з самім бланкам дазволу ўсё ў парадку, запісы на ім зробленыя сімпатычным чарнілам. Потым іх награвалі, каб яны зніклі, а на тым самым месцы запісваліся ўжо іншыя даныя. Такая схема выкарыстоўвалася некалькі разоў.
Каментары