Рэжысёра Руслана Зголіча адправілі на прымусовае лячэнне за абразу Лукашэнкі
57-гадовага рэжысёра прызналі палітвязнем.
Імя 57-гадовага рэжысёра Руслана Зголіча з’явілася ў абноўленым спісе палітвязняў, апублікаваным «Вясной». Як выявілася, яго асудзілі па двух палітычных артыкулах. Зголічу інкрымінавалі абразу Лукашэнкі, а таксама абразу прадстаўніка ўлады.
Тым не менш яго адправілі не ў калонію, а на прымусовае лячэнне.
Гэта не першы крымінальны пераслед у біяграфіі Зголіча. У 2000-я ў яго быў канфлікт з кіраўніцтвам «Беларусьфільма». Зголіча адхілілі ад працы з фільмам «Госці», каб дазняць стужку з іншым рэжысёрам. Тады ён скраў працоўны матэрыял з намерам самому дарабіць фільм. За гэта супраць яго завялі крымінальную справу за крадзеж у асабліва буйным памеры.
Зголіч адседзеў год у СІЗА і па рашэнні суда быў накіраваны ў Рэспубліканскі навукова-практычны цэнтр псіхічнага здароўя. Пасля лячэння ён выйшаў на свабоду.
Цяпер чытаюць
Сяргей Ціханоўскі запусціў свой ютуб-канал з вершамі і казкамі86
Каментары