Гэтым летам збіраюцца запусціць цягнікі са Смаленска ў Віцебскую вобласць
У пачатку лета стартавалі цягнікі з Пскоўской вобласці.
Прыгранічнае прыгараднае злучэнне запусцяць паміж Смаленскам і Віцебскай вобласцю гэтым летам, паведаміў намеснік начальніка пасажырскай службы — начальнік аддзела арганізацыі пасажырскіх перавозак Белчыгункі Сяргей Шэмет падчас прэс-канферэнцыі, піша «Спутнік».
Ён нагадаў, што з 5 чэрвеня БЧ разам з Расійскай чыгункай арганізавалі пасажырскае злучэнне паміж Пскоўскай вобласцю і Беларуссю.
Цягнікі курсуюць па маршрутах Вялікія Лукі (Пскоўская вобласць) — Алешча (Віцебская вобласць) і Навасакольнікі (Пскоўская вобласць) — Алешча.
Шэмет падкрэсліў, што кірунак набірае папулярнасць, хоць попыт не вельмі вялікі.
«У завяршальнай стадыі рэалізацыі знаходзіцца ў нас кірунак: Смаленск — Асінаўка (да Оршы) і Смаленск — Заольша (кірунак да Віцебска). Нашы рэгіянальныя цягнікі эканом-класа будуць ехаць да Асінаўкі і перасаджвацца будуць ад Асінаўкі да Смаленска. Улетку гэтага года праект будзе рэалізаваны», — сказаў ён.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары