Ля берагоў Камчаткі (Расія) адбыўся землятрус магнітудай 7.
![](http://nashaniva.com/img/w840d4webp1/photos/z_2024_08/080027-n67tt.jpeg.webp)
Вулкан Шывелуч на Камчатцы пачаў вывяргацца. Ён выкінуў попел на вышыню 8 км над узроўнем мора, паведамляе Інстытут вулканалогіі і сейсмалогіі Далёкаўсходняга аддзялення Расійскай Акадэміі навук.
Гэты вулкан знаходзіцца ў 50 км на поўнач ад пасёлка Ключы Усць-Камчацкага раёна і 450 км ад Петрапаўлаўска-Камчацкага.
Быў уведзены чырвоны код авіянебяспекі. Навукоўцы папярэдзілі, што актыўнасць вулкана небяспечная для мясцовых і міжнародных авіяперавозак.
Вывяржэнне вулкана пачалося неўзабаве пасля землятрусу на Камчатцы магнітудай 7. Эпіцэнтр землятрус — у Ціхім акіяне, у 108 км ад Петрапаўлаўска-Камчацкага.
![](http://nashaniva.com/img/w732d4webp1/photos/z_2024_08/5118-9av3s.jpeg.webp)
МНС паведамляла, што землятрус адчуваўся ў Петрапаўлаўск-Камчацкай гарадской акрузе, Ялізаўскім, Усць-Камчацкім раёнах, Вілючынскай гарадской акрузе сілай да 5-7 балаў. У ведамстве дадалі, што пагрозы цунамі няма.
Каментары