Сам актывіст Саюза палякаў застаецца пад арыштам, а навіну аб нараджэнні першым паведаміў ананім са спецслужбаў.
Сам актывіст Саюза палякаў застаецца пад арыштам, а навіну аб нараджэнні сына першым паведаміў ананім са спецслужбаў.
Шчаслівая падзея адбылася тыдзень таму, у пятніцу. Сёння жонку А.Пачобута Аксану разам з сынам выпісалі з радзільні. Бацька Андрэя Пачобута і дзед навародка, Станіслаў, прасіў, каб Андрэя выпусцілі з ізалятара хоць на гадзіну і дазволілі сустрэць жонку. Адказалі: не.
Цікава, што навіну аб нараджэнні сына А.Пачобуту першым прынёс супрацоўнік спецслужбаў. Невядомы проста пазваніў у Саюз палякаў і папрасіў перадаць Андрэю, што у яго нарадзіўся сын, а таксама выказаў надзею, што зараз бацька будзе «лепш думаць, перш чым нешта рабіць». Спачатку тэлефанаванне ўспрынялі як дрэнны жарт, але праз 15 хвілін патэлефанавала ўжо і жонка Андрэя — з радаснай навіной.
Хлопчыка назвалі Яраславам. Ён нарадзіўся вагою 3750 г, ростам — 54 см.
Яго бацька выйдзе на свабоду заўтра ранкам. У панядзелак А.Пачобут быў затрыманы па дарозе на суд у Валожын. Яго абвінавацілі ў арганізацыі несанкцыянаванай акцыі.
Рэдакцыя «Нашай Нівы» далучаецца да віншаванняў.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары