18-гадовую расіянку ў Турцыі асудзілі на 15 гадоў за тое, што яна пакінула немаўля ў прыбіральні аэрапорта
Яна пакінула немаўля ў прыбіральні і пайшла на пашпартны кантроль, каб разам з маці паляцець у Расію.
Прысуд 18-гадовай расіянцы Кацярыне Бурнашкінай, якая абвінавачваецца ў замаху на забойства, вынес суд у Антальі, паведаміла яе адвакатка.
Як заявіла юрыстка агенцтву ТАСС, абарона катэгарычна не згодная з такім рашэннем і мае намер падаць апеляцыю ў Вярхоўны суд Турцыі. Яна таксама ўдакладніла, што маці Бурнашкінай Алену суд апраўдаў і адпусціў на волю.
Гаворкі пра экстрадыцыю асуджанай расіянкі на радзіму пакуль не ідзе.
Бурнашкіна нарадзіла дзіця ў кастрычніку 2024 года ў аэрапорце Антальі. Яна пакінула немаўля ў прыбіральні і пайшла на пашпартны кантроль, каб разам з маці паляцець у Расію. Дзяўчыну хутка вылічылі па камерах і затрымалі, піша Бі-бі-сі.
Бурнашкіна сцвярджала, што не ведала пра сваю цяжарнасць да моманту родаў, і пакінула дзіця ў прыбіральні, знаходзячыся ў стане шоку. Як распавядала адвакатка, дзяўчына выказвала жаданне вярнуцца разам з дзіцем у Расію.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары