Будучы канцлер Германіі Фрыдрых Мерц выступае за пастаўку высокадакладных крылатых ракет Taurus ва Украіну, а яго будучы кааліцыйны партнёр — СДПГ — у асноўным гэтыя планы адхіляе, піша Bild.
Аднак адно з пытанняў у гэтай дыскусіі, здаецца, адыходзіць на другі план: ці здольная Германія ўвогуле пастаўляць такую зброю ў вялікай колькасці?
Міністр абароны Барыс Пісторыус (СДПГ) заявіў на партыйным мерапрыемстве ў Гановеры, што ёсць аргументы на карысць паставак, але і «шмат важкіх» аргументаў супраць. Некаторыя з іх, паводле яго слоў, нельга абнародаваць.
Ён таксама выказаў здзіўленне тым, што ў Германіі публічна абмяркоўваюцца канкрэтныя сістэмы ўзбраенняў. Відавочна, у Германіі існуе «эратычнае прыцягненне» да зброі, дадаў ён з іроніяй.
Па ацэнках, у ВПС Германіі цяпер маецца каля 600 крылатых ракет Taurus KEPD-350, дакладная колькасць застаецца засакрэчанай. Аднак толькі прыкладна палова з іх лічыцца баяздольнай, паколькі патрабуецца тэхнічнае абнаўленне, а сертыфікацыя ўжо скончылася.
Бундэсвер ужо заключыў кантракт з кампаніяй Taurus Systems GmbH на мадэрнізацыю ракет. Сума кантракта складае 150 мільёнаў еўра, тэрмін абслугоўвання — дзесяць гадоў. Паводле звестак СМІ, Пісторыус таксама плануе з 2029 года набыць яшчэ 600 мадэрнізаваных ракет тыпу Taurus NEO.
Такім чынам, матэрыяльная база для паставак Украіне маецца — калі толькі ўрад зможа дамовіцца. Але застаецца адна праблема: да гэтага часу, прынамсі ў Германіі, украінскіх вайскоўцаў не навучалі працы з сістэмай Taurus — паводле дадзеных Міністэрства абароны Бундэстага.
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары