З пачатку года ў Беларусі правоў кіравання транспартнымі сродкамі былі пазбаўленыя больш за 10 тысяч кіроўцаў. І гэта не лічачы тых, хто трапіўся за рулём у нецвярозым выглядзе. Статыстыку прывёў начальнік ДАІ Віктар Ротчанкаў, піша Onliner.by.
У краіне складваецца няпростая сітуацыя з дарожным траўматызмам. З пачатку года за стварэнне аварыйнай сітуацыі пешаходам, невыкананне хуткаснага рэжыму і правілаў абгону больш за дзесяць тысяч кіроўцаў пазбаўленыя права кіравання транспартнымі сродкамі. За нецвярозае кіраванне прыцягнутыя да адказнасці звыш пяці тысяч парушальнікаў, таксама за рулём было выяўлена 20 тысяч «бяспраўнікаў».
— ДАІ працягвае несці службу ва ўзмоцненым рэжыме, арыентаваны на выяўленне і спыненне грубых парушэнняў ПДР усімі катэгорыямі ўдзельнікаў дарожнага руху, дачу прынцыповай ацэнкі іх дзеянням, — адзначыў Віктар Ротчанкаў.
— У органах унутраных спраў дастаткова сіл і сродкаў для выяўлення і спынення правапарушэнняў. Акрамя ажыццяўлення кантролю непасрэдна на дарогах з прымяненнем новых тэхналогій, пастаянна адсочваецца інфармацыя на інтэрнэт-рэсурсах, актыўна выкарыстоўваюцца магчымасці рэспубліканскай сістэмы маніторынгу грамадскай бяспекі.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары