Прадстаўнік Лукашэнкі ў Брэсцкай вобласці Міхаіл Русы параіў, дзе шукаць жаніхоў
«Пытаю: «А чаму мужчыны ўсе?» Яны кажуць: «Дык яны яшчэ і нежанатыя».
Міхаіл Русы. Скрыншот відэа БТ
Прадстаўнік Лукашэнкі ў Брэсцкай вобласці, сенатар Міхаіл Русы расказаў, дзе найбольш перспектыўна шукаць жаніхоў.
«Уязджаеш у Лунінецкі раён — дзяўчатам кажу, што замуж выходзіць трэба ехаць туды. Там надзейныя мужыкі ў гэтым рэгіёне. Масава пайшлі выкупляць зямельныя ўчасткі. І вось я ў Лунінцы сутыкнуўся — адзін, другі, трэці…
Пытаю: «А чаму мужчыны ўсе?» Яны кажуць: «Дык яны яшчэ і нежанатыя».
І вось я з двума хлопцамі сустраўся. Кажуць: «Ну як, я павінен жонку прывесці, каб быў участак уладкаваны, каб яна прыйшла, а ў мяне ўжо гаспадарка, я гаспадар».
Разумееце, вось гэта дарагога каштуе, вось тут будзе сям'я моцная», — перадае словы Русага БТ.
Каментары
https://nashaniva.com/381869