Масквічка перадала ў Віцебск чорную ікру, але да горада яна так і не даехала
Масквічка вырашыла перадаць пасылку сыну і яго сям’і ў Віцебск цягніком. На Беларускам вакзале яна шукала пасажыра, які пагадзіўся б даставіць сумку ў гэты горад.
На дапамогу адгукнуўся 39‑гадовы жыхар Гомеля, раней судзімы 12 разоў за крадзяжы, паведамляе belkagomel.by
Жанчына перадала яму перадачу коштам каля 10 тысяч беларускіх рублёў — гэта быў яе двухмесячны даход. За паслугу яна аддзячыла мужчыну грашыма і гарэлкай.
Аднак цягнік, на які сеў мужчына, увогуле не заязджаў у Віцебск. Даехаўшы да Гомеля, мужчына накіраваўся ў госці да знаёмай, дзе яны з’елі частку далікатэсаў з чужой сумкі: печань траскі, чырвоную і чорную ікру, чырвоную рыбу.
Калі перадача так і не прыбыла ў Віцебск, нявестка звярнулася ў міліцыю. Асобу падазраванага выявілі па праязных дакументах. Упрыгожанні для нявесткі, кнігі і адзенне для ўсіх членаў сям’і ўдалося вярнуць, а вось прадукты — не.
Мужчыну будуць судзіць 13‑ы раз — за крадзеж, учынены паўторна. Цяпер ён знаходзіцца ў ЛПП з-за злоўжывання алкаголем.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх11
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары