Сёньня ў адміністрацыйнай справе студэнткі Гарадзенскага мэдунівэрсытэту Кацярыны Герасімчык дапыталі толькі адну сьведку. Судзьдзя зрабіла перапынак да другога красавіка.
У Ленінскім судзе Горадні дапытвалі сяброўку Кацярыны Герасімчык Вольгу Багданкевіч, якую разам зь ёй затрымалі ноччу з 11 на 12 лютага ў цэнтры Горадні побач з помнікам Леніну, на пастамэнце якога быў зроблены надпіс «Луку на муку».
Вольга Багданкевіч засьведчыла, што яны не рабілі надпіс, а толькі залезьлі на пастамэнт, каб бліжэй разгледзець, што там напісана.
На мінулым паседжаньні адзін зь міліцыянтаў, які затрымліваў дзяўчат, сьведчыў, што дзяўчаты падымаліся на пастамэнт побач з помнікам Леніну і некалькі сэкундаў там нешта рабілі. І хоць за пастамэнтам яму не было відаць, што маглі рабіць там дзяўчаты, ён прыйшоў да высновы, што менавіта яны зрабілі надпіс «Луку на муку».
Другі супрацоўнік міліцыі паказаў у судзе, што ня можа засьведчыць, што менавіта дзяўчаты рабілі надпіс, але, маўляў, калі ён з калегам падышоў да помніка, то адчуў сьвежы пах фарбы.
Нагадаю, што пры затрыманьні дзяўчаты мелі пры сабе налепкі «Малады фронт» і раздрукоўкі з надпісамі «Свабоду Кіркевічу!», «Свабоду Някляеву!», «Свабоду Фядуту!». Такія налепкі былі расклееныя ў цэнтры Горадні.
За гэта на мінулым тыдні адміністрацыйная камісія пастанавіла пакараць дзяўчат штрафамі ў памеры 10 мінімальных заробкаў кожную, нягледзячы на тое, што ніхто не засьпеў іх за тым, як яны клеілі гэтыя налепкі.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць29
Каментары