Кошт навучання для першакурснікаў складае ад 4 млн руб. у Віцебскім тэхналагічным універсітэце да 7 млн 484 тыс. рублёў у БДУ.
ВНУ Міністэрства адукацыі Беларусі вызначылі кошт платнага навучання для першага курса,
пра гэта паведамілі ва ўпраўленні сацыяльна-эканамічнага развіцця Міністэрства адукацыі.
Кошт навучання для першакурснікаў дзённай формы навучання складае ад 4 млн рублёў у Віцебскім дзяржаўным тэхналагічным універсітэце да 7 млн 484 тыс. рублёў у Беларускім дзяржаўным універсітэце.
Калі казаць пра галоўныя ВНУ краіны, то ў БДУ кошт платнага навучання для першакурснікаў вызначаны ў памеры ад 5 млн 385 тыс. да 7 млн 484 тыс., БНТУ - ад 6 млн 186 тыс. да 6 млн 428 тыс.
У некаторых ВНУ кошт на навучанне ўсталяваны аднолькавы для ўсіх факультэтаў і спецыяльнасцяў.
Напрыклад, у БДТУ - 6 млн 626 тыс., МДЛУ - 5 млн 12 тыс., Магілёўскім дзяржаўным педагагічным універсітэце імя А. Куляшова - 4 млн 450 тыс. А вось у БДУІР мінімальны і максімальны кошты розняцца на 600 тыс. - ад 5 млн 400 тыс. да 6 млн, у БДЭУ розніца складае менш за 200 тыс. - ад 4 млн 830 тыс. да Br5 млн 27 тыс.
Па аплаце за 2-5 курсы ВНУ, падпарадкаваныя Міністэрству адукацыі, падвысілі кошты не больш чым на 20%.
"Пытанні цэнаўтварэння платнага навучання ў ВНУ дзяржаўнай формы ўласнасці рэгулююцца ў адпаведнасці з сацыяльнай скіраванасцю гэтай паслугі", - адзначылі ў ведамстве.
Узровень кошту ў канкрэтным ВНУ залежыць ад фактычнай структуры выдаткаў на платнае навучанне: ад атрыманай спецыяльнасці, кваліфікацыі, стажу работы прафесарска-выкладчыцкага складу і іншых педработнікаў, стану матэрыяльна-тэхнічнай базы. Установы адукацыі фармуюць кошт платнага навучання паводле дзейных для бюджэтных арганізацый нормаў і нарматываў. Так, выдаткі па заработнай плаце ўключаюцца ў кошт паводле бюджэтных нормаў з улікам індэксацыі ў адпаведнасці з заканадаўствам, па накладных і іншых расходах - з улікам павелічэння цэн і тарыфаў на работы (паслугі), у тым ліку камунальныя, паслугі транспарту, сувязі і іншыя.
Прыватныя ўстановы адукацыі фармуюць кошт на платнае навучанне самастойна.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары