У гэты дзень пройдзе пахаванне 38-гадовага камандзіра экіпажа маёра Алега Кахно, 32-гадовага штурмана Дзяніса Глушчанкі і 38-гадовага бортінжынера Валерыя Бабко.
У Пружанскім раёне 2 снежня аб'яўлена жалоба па загінулых членах экіпажа Мі-24 181-й баявой верталётнай базы ВПС і войскаў СПА Беларусі. Як паведаміла начальнік аддзела ідэалогіі Пружанскага райвыканкама Наталля Зеляняк, адпаведнае распараджэнне падпісаў выканаўца абавязкаў старшыні Пружанскага райвыканкама Мікалай Кудравец.
У гэты дзень на тэрыторыі раёна будуць прыспушчаны дзяржаўныя сцягі і адменены забаўляльныя мерапрыемствы.
Паводле слоў Зеляняк, 2 снежня ў Пружанах пройдзе пахаванне членаў экіпажа верталёта: 38-гадовага камандзіра экіпажа маёра Алега Кахно, 32-гадовага штурмана Дзяніса Глушчанкі і 38-гадовага бортінжынера Валерыя Бабко.
У 12.00 пачнецца паніхіда ў саборы Аляксандра Неўскага ў Пружанах. З 13.00 да 14.00 адбудзецца развітанне з загінулымі ў Палацы культуры райцэнтра. На 15.00 запланаваны жалобны мітынг на Параслянскіх могілках, дзе будуць пахаваныя члены экіпажа.
Могілкі размешчаны непадалёк ад вёскі Новыя Засімавічы Пружанскага раёна, дзе знаходзіцца 181-я баявая верталётная база ВПС і войскаў СПА Беларусі.
Як паведамлялася раней,
ваенны верталёт разбіўся 29 лістапада каля 19.45 пры заходзе на пасадку ў раёне аэрадрома Пружаны пасля выканання планавых вучэбна-трэніровачных палётаў.Паводле звестак , катастрофа адбылася прыкладна за паўтара кіламетра ад аэрадрома. Усе тры члены экіпажа баявой машыны загінулі.
Абставіны крушэння высвятляе камісія Міністэрства абароны. Брэсцкім міжгарнізонным ваенным пракурорам распачата справа па ч. 2 арт. 465 КК (парушэнне правілаў палётаў або падрыхтоўкі да іх або іншых правілаў эксплуатацыі ваенных лятальных апаратаў, што пацягнула па неасцярожнасці смерць дзвюх і больш асоб).
Згодна з загадам міністра абароны генерал-лейтэнанта Юрыя Жадобіна, у сувязі з правядзеннем расследавання часова прыпыненыя палёты авіяцыі Узброеных сіл Беларусі.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра вайсковыя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх11
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары