«Александрына», «Алеся» і «Цячэ вада ў ярок»: у Беларусі выбралі «Залатую калекцыю песень» 5

Залатую калекцыю песень выбралі ў Беларусі. Пераможцаў глядацкага галасавання на сайце ЗАТ «Сталічнае тэлебачанне» назвалі ў панядзелак Палацы Рэспублікі.

З сотні песень ХХ стагоддзя, прадстаўленых для галасавання Моладзевым тэатрам эстрады і тэлеканалам СТВ, гледачы выбралі 35 кампазіцый:

«Александрына», «Алеся», «Бывайце здаровы», «Вераніка», «Гаю мой, не кліч», «Горыч ягада», «Даставай, Язэп, гармонік», «Днi прыгожыя», «Заварожаная фея», «Завушніцы», «Зорка Венера», «Каля чырвонага касцёла», «Калядачкі», «Касіў Ясь канюшыну», «Каханая», «Кума», «Купалінка», «Лявоніха», «Малады ды не жанаты», «Мелодыя кахання», «Мой родны кут», «Ночка цёмная», «Ой, княжна», «Ой, хацела ж мяне маць», «Па-над белым пухам вішняў», «Пах чаборавы», «Сарамлівая дзяўчынка», «Слуцкія ткачыхі», «Спадчына», «Сто гадоў», «Цыганка», «Цячэ вада ў ярок», «Чарка на пасашок», «Чырвоная ружа», «Явар і каліна».

Адбор кампазіцый таксама праводзілі экспертны савет у складзе дзеячаў літаратуры і мастацтва, прадстаўнікоў СМІ, работнікаў сферы адукацыі і фокус-група ў складзе студэнтаў і выкладчыкаў кафедры эстраднага мастацтва Беларускага дзяржаўнага універсітэта культуры.

У Палацы Рэспублікі адбыліся здымкі гала-канцэрта «Залатая калекцыя беларускай песні», які будзе паказаны ў эфіры СТВ 7 студзеня 2012 г.

Наступным этапам стане правядзенне ў 2012 годзе гастрольнага тура па гарадах Беларусі з аднайменнай назвай, а таксама выпуск серыі СD / DVD.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ