Аб сустрэчы з кіраўніцтвам Зьвязу чэскіх гарадоў і дэпутатаў Асмаблеі дэпутатаў мясцовых Саветаў.
Дэпутаты мясцовых Саветаў Беларусі, якія выступаюць за дэмакратычнае развіццё самакіравання ў краіне адпаведна Еўрапейскай Хартыі мясцовага самакіравання і аб’яднаны у Асамблею дэпутатаў мясцовых Саветаў, з 2003 года усталявалі сувязі са Звязам гарадоў і муніцыпалітэтаў Чэшскай Рэспублікі (ЗГМЧР).
На працягу кадэнцыі 24-га склікання адбыліся шматлікія візіты дэпутатаў і актывістаў НДА Беларусі да чэшскіх партнэраў з мэтай вывучэння чэшскага досьведу трансфармацыі мясцовага самакіравання. Вынікам супольнай працы стала кніга “Трансфармацыя. Чэшскі досьвед. Мясцовае самакіраванне”, якую могуць у бліжэйшы час атрымаць усе зацікаўленыя асобы.
18-19 лютага да мясцовых дэпутатаў Беларусі 24-га і 25-га склікання з сяброўскім візітам завітала прадстаўнічая дэлегацыя Звяза гарадоў і муніцыпалітэтаў Чэшскай Рэспублікі на чале са старшынёй Звязу Олдржыхам Ўласакам, мэрам Градца Кралава, дэпутатам Еўрапейскага Парламенту, выканаўчым сустаршынёй Рады еўрапейскіх муніцыпалітэтаў і рэгіёнаў (CEMR).
Падставай для сустрэчы стала прэзентацыя кнігі “Трансфармацыя. Чэшскі досьвед. Мясцовае самакіраванне”. У кнізе зафіксавана, як адбылася у Чэхіі трансфармацыя ад таталітарызму да дэмакратыі на узроўні гарадоў і населеных пунктаў. Аўтарамі кнігі сталі чэшскія палітыкі, якія ўступілі у палітыку у пераломным 1989 годзе: Марцін Дворжак ( мэр Градец Кралаве – 1990-1998 г.г.), Ярамір Йех ( мэр Ржычаны – 1990-1994 г.г.), Іван Чэрны (мэр Увалы – 1990-2006 г.г.), Йозеф Добры ( мэр раёна Прагі – Летняны – 1990-2006 г), Любаш Пруша ( мэр Пісэка – 1994-2006г.г.)і іншыя, а таксама супрацоўнікі Звяза гарадоў і муніцыпалітэтаў.
Адначасова з прэзентацыяй кнігі адбылася зацікаўленая размова аб сітуацыі ў Беларусі пасля мясцовых выбараў 2007, аб падтрымцы развіцця дэмакратыі ў краіне з удзелам дэпутатаў мясцовых Саветаў і чэшскіх партнэраў.
Чэшскія сябры таксама распавядалі аб кроках эўрапейскіх структураў дзеля дэмакратызацыі Беларусі і удзеле у гэтай справе чэшскіх грамадскіх дзеячаў.
Важнай часткай размовы стала абмеркаванне пытання аб развіцці супрацоўніцтва паміж гарадамі Чэхіі і Беларусі, а таксама абмеркаванне досьведу чэшскага руху па развіццю пабрацімскіх сувязяў паміж гарадамі. Дэпутаты былі уражаны тым, што чэшскія гарады маюць пабрацімскія сувязі з 1100 (!) гарадамі свету, у тым ліку з ЗША, Японіі і г.д.. Нашы госці выказалі жаданні дапамагчы беларусам стварыць адпаведную сетку пабрацімскіх сувязяў з чэшскімі гарадамі.
Напрыканцы сустрэчы адбылося абмеркаванне далейшых стасункаў дэпутатаў мясцовых Саветаў з чэшскімі партнэрамі. Было выказана жаданне актывізаваць працу у галіне рэгіянальнага развіцця і развіцця гарадоў, дапамагчы усталяванню сувязяў паміж грамадскімі арганізацыямі дэмакратычных супольнасцяў.
Арыштавалі прадстаўнікоў кампаніі Bayer у Беларусі15
Каментары