У Мінску п’яны кіроўца пабіў шэсць аўто сваіх суседзяў + фота
Малады чалавек выпіваў з суседам, а потым сеў у ягоную машыну.
У аўторак 7 лютага ўвечары ў двары дома №56 па вуліцы Пляханава нецвярозы кіроўца на Suzuki Forenza пашкодзіў шэсць легкавікоў, у тым ліку і той аўтамабіль, на якім ехаў сам. Як паведамляе партал Auto.onliner.by, Suzuki не належала маладому чалавеку (1985 г.н.).
Па словах старшага інспектара агітацыі і прапаганды ДАІ Ленінскага раёна Таццяны Красій, малады чалавек выпіваў з суседам. А пасля, як сцвярджае сам віноўнік аварыі, сусед даў яму ключы ад свайго аўто і прапанаваў з’ездзіць у краму. Па дарозе малады чалавек не справіўся з кіраваннем і разбіў суседскія аўтамабілі — BMW 5-Series, Volkswagen Golf, Citroen Xsara Picasso і Volvo S60. Ад удара апошні аўтамабіль адкінула на Opel Zafira.
Падобная гісторыя ў Мінску здарылася 1 верасня 2011 года. На вуліцы Лабанка два нецвярозых маладых чалавека вырашылі пакатацца ў двары на ўседарожніку Volvo ХC90. Паездка скончылася аварыяй, у выніку якой былі раструшчаныя тры легкавіка суседзяў.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары