Дзень Волі ў Маскве: на сустрэчу са Скурко і Вайцюшкевічам прыйшло 50 чалавек
25 Сакавіка беларусы Масквы збіраюцца з нацыянальнымі сцягамі да беларускага пасольства (вул.Марасейка, 17/6) а 13-й.
З нагоды Дня Волі 24 сакавіка Маскоўскае таварыства беларускай культуры імя Францішка Скарыны зладзіла сустрэчу з Андрэем Скурко, галоўным рэдактарам газеты «Наша Ніва». Таксама госцем імпрэзы быў Зміцер Вайцюшкевіч.
На сустрэчу, якая адбывалася ў Расійскай дзяржаўнай бібліятэцы, прыйшло каля 50 чалавек. Былі студэнты, інтэлігенцыя, бізнэсоўцы — моладзь і людзі старэйшага веку. Гасцей літаральна засыпалі пытаннямі.
Маскоўскіх беларусаў цікавіла ўсё: ці гаворыць «дома» (гэта значыць, на Радзіме) моладзьпа-беларуску ? Як дае рады сваёй пасадзе Павал Латушка? Як ацэньваць хуткі прысуд Кавалёву і Канавалаву? Чаму сёлета ў Мінску дазволена святкаванне Дня Волі?..
Гаспадары сустрэчы праявілі надзвычайную абазнанасць у беларускіх справах. У адказ на пытанне А.Скурко колькі людзей з прысутных чытае незалежныя сайты ў інтэрнэце, рукі падняла ўся аўдыторыя.
Двухгадзінная дыскусія прайшла на выдатнай беларускай мове, актыўна падпявалі маскоўскія беларусы і Вайцюшкевічу.
На Дзень Волі 25 Сакавіка беларусы Масквы збіраюцца прыйсці з нацыянальнымі сцягамі да беларускага пасольства (вул. Марасейка, 17/6). Пачатак, а
Цяпер чытаюць
Дзе працуюць і як выглядаюць жонкі топ-чыноўнікаў?13
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1010
Каментары