Нявеста Змітра Дашкевіча Наста Палажанка звярнулася да генеральнага пракурора Беларусі Аляксандра Канюка з просьбай «правесці праверку па факце нялюдскіх адносінаў да Змітра Дашкевіча» ў папраўчай калоніі № 20.
Палажанка просіць генпракурора расследаваць факты пагрозаў Дашкевічу і ціску на яго.
Палажанка адзначыла, што бліжэйшым часам Дашкевіч павінен падпісаць скаргу на дзеянні адміністрацыі калоніі, складзеную з дапамогай адваката. «Аднак у сувязі з тым, што скарга ад імя Дашкевіча паступіць у Генеральную пракуратуру не раней чым праз тыдзень, а яго становішча выклікае заклапочанасць, я прашу правесці праверку па факце нялюдскіх адносін да Дашкевіча, ужыць захады ўрэгулявання канфлікту і прыцягнуць вінаватых асоб да адказнасьці», — заявіла Наста Палажанка.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары