У Менску другім пасьля мэтро відам хуткаснага унутрыгарадзкога транспарту можа стаць чыгуначны.
У Менску чыгуначны транспарт разглядаецца ў пэрспэктыве як другі (пасьля мэтрапалітэну) від хуткаснага унутрыгарадзкога транспарту, паведамілі карэспандэнту БЕЛТА ў КУП «Мінсктранс».
Паводле слоў спэцыялістаў, з гэтай мэтай прапануецца арганізаваць дыямэтральны рух прыгарадных цягнікоў з адных кірункаў на іншыя да станцый Памысьлішча, Ждановічы, Сьцяпянка, Калядзічы, лякальны рух спэцыяльных цягнікоў між гэтымі станцыямі для ўнутрыгарадзкіх перавозак пасажыраў, а таксама будаўніцтва новых прыпыначных пунктаў: Акадэмгарадок, Паўночны (замест прыпынку Радыятарны) і збудаваньне зручных перасадачных вузлоў з гарадзкога транспарту на чыгуначны.
Паводле падлікаў, рэалізацыя такіх прапаноў можа забясьпечыць павелічэньне долі чыгуначнага транспарту ва ўнутрыгарадзкіх перавозках маршрутным транспартам да 7%.
Цяпер у межах гарадзкой рысы чыгунка ўключае ў сябе 5 станцый і 10 прыпыначных пунктаў прыгарадных цягнікоў. Асноўны аб’ём адпраўленьняў пасажыраў прыпадае на станцыю Менск‑Пасажырскі. (62%, у тым ліку прыгарадных — 57%).
Сярод асноўных недахопаў менскага чыгуначнага вузла спэцыялісты назвалі высокую канцэнтрацыю пасажыраў на станцыі Менск‑Пасажырскі ў цэнтры гораду, недастатковае выкарыстаньне чыгуначнага транспарту для ўнутрыгарадзкіх паездак, абмежаваную прапускную здольнасьць галаўных участкаў ды інш.
Фота photo.bymedia.net
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары