Ролі кірылічнага альфабэту ў цяперашнім Эўразьвязе быў прысьвечаны выступ Леанарда Орбана, Эўрапейскага Камісара па пытаньнях шматмоўя, 24 траўня ў Сафіі (Баўгарыя) на Дні кірылічнага альфабэту.
Ролі кірылічнага альфабэту ў цяперашнім Эўразьвязе быў прысьвечаны выступ Леанарда Орбана, Эўрапейскага Камісара па пытаньнях шматмоўя, 24 траўня ў Сафіі (Баўгарыя) на Дні кірылічнага альфабэту.
«Калі на пачатку гэтага году Баўгарыя ўступіла ў Эўразьвяз, ЭЗ узбагаціўся ня толькі новай дзяржавай‑членам, а і новым альфабэтам», — падкрэсьліў Леанард Орбан. Кірылічны альфабэт мае старажытную літаратурную і культурную гісторыю; цяпер жа ён робіцца «часткай сям’і Эўразьвязу».
У сваім выступе Леанард Орбан спыніўся на найважнейшай ролі, якую ў Эўразьвязе граюць міжкультурны дыялёг і шматмоўе. «Прынцып адзінства ў разнастайнасьці — моваў, культураў, традыцыяў, а таксама альфабэтаў — ёсьць падмуркам Эўразьвязу», — адзначыў Камісар. «Кірылічны альфабэт і баўгарская мова ўзбагачаюць гэтую культурную разнастайнасьць, што робіць Эўразьвяз такім унікальным», — падкрэсьліў Леанард Орбан.
Асаблівую ўвагу Камісар надаў вывучэньню замежных моваў. «Вывучэньне замежных моваў — гэта нешта большае за проста вывучэньне ангельскай. Важна вывучаць самыя розныя мовы: рэгіянальныя, мовы меншасьцяў альбо мовы ўнівэрсальнага распаўсюджаньня», — падкрэсьліў ён.
Камісар нагадаў, што наступны, 2008 год, стане Эўрапейскім годам міжкультурнага дыялёгу. Гэта «цудоўная магчымасьць для таго, каб зьвярнуць увагу на тэму вывучэньня моваў і шматмоўя», ‑адзначыў прадстаўнік Эўрапейскай Камісіі.
1 студзеня 2007 году, у дзень уступленьня Румыніі і Баўгарыі ў Эўразьвяз, новымі членамі Калегіі Эўрапейскіх Камісараў сталі Леанард Орбан (Румынія) і Меглена Кунева (Баўгарыя). Леанард Орбан займаецца пытаньнямі шматмоўя і вывучэньня замежных моваў.
На пачатку 2007 года колькасьць афіцыйных моваў ЭЗ дасягнула 23‑х. Большасьць зь іх маюць лацінскі альфабэт, за выключэньнем грэцкай (грэцкі альфабэт) і баўгарскай (кірыліца).
Чаму YouTube выдаліў каналы БелТА, СТБ і АНТ? Вось што вядома11
Каментары