Гледзячы зь «Менскае сахі» ў «НН» ад 10 сьнежня.
Як калісьці ў БССР,
Разразае стужку мэр,
Адкрывае сьветлы шлях
У чырвоных ліхтарах.
Перад стужкаю чырвонай
Шчыльнай зьбіліся калёнай
Не паны сахі-арала,
Толькі інтэлектуалы.
Спрэс эліта: мастакі,
Філязофы, сьпевакі,
Да пляча плячо — паэты,
Што вядомы на паўсьвету.
Як Сатыры ў храм Вэнэры
Зараз рынуцца, халера!
Маюць права першай ночы.
Хто ня верыць — плюньце ў вочы!
Могуць працай пахваліцца:
Дзеля велічы сталіцы
Выбіралі, дзе і як
Ў Менску зьмесьціцца бардак.
Не рабочы, не армейскі,
А сапраўдны эўрапейскі!
Шчыра дзякуюць прамоўцы
Тым экспэртам-адмыслоўцам,
Іх стараньнем проста ў рай
Пераскочыць родны край.
Будзе ў нас, а не ў кагосьці,
Дзесьці з кімсьці хтосьці штосьці!
Вікенці Ласасянскі
Каментары