Žurnalisty Tochka.by pa tradycyi prahulalisia pa Kamaroŭcy pierad vychodnymi — daviedalisia, što vyhadna kuplać, a chto zadraŭ ceny na svoj tavar.
Zima ŭžo na padychodzie, ale na siezonnym rynku ŭsio jašče aktyŭna pradajucca sakavityja sadavina i jahady.
Kuplać jabłyki pa-raniejšamu vyhadna — ad adnaho rubla za kiłahram. Hrušy ž nie hublajuć u canie — 5—12 rubloŭ.
Usio bolš rynku advajoŭvaje rudaja churma roznych hatunkaŭ. Kaštuje jana pa 3—12 rubloŭ za kiłahram.
A voś kavuny i dyni zastalisia apošnija, ceny — 2,9 i 7,5 rubla adpaviedna.
Vyhadna brać banany — jany pa 2,9—5 rubloŭ za 1 kh. Jość i vielmi tanny vinahrad — pa 2 rubli za kiłahram. Samy darahi — pa 22.
Apielsiny kaštujuć 3—15 rubloŭ. Samyja vyhadnyja mandaryny — usiaho pa try rubli za kiłahram, u siarednim pa rynku — 5—9.
Limony jość pa 6 rubloŭ za kiłahram i da 30 rubloŭ. Darečy, kali pašukać, možna znajści i cytrusavyja na vialikaj źnižcy.
Jahady taksama znojducca. Kłubnicy zastalisia tolki impartnyja — pa 40—60 rubloŭ za kiłahram, bujaki — 100.
Z našych jahad pradajucca žuraviny pa 10—11 rubloŭ za kiłahram i bruśnicy — pa 15—16.
Ahurkoŭ usio mienš
Z vybaram harodniny ŭsio standartna, ale ceny rastuć. «Kapieječnaja» bulba jość tolki ŭ pary pradaŭcoŭ — ad 0,79 za 1 kh. Astatnija ŭžo chočuć bolš — pa 2,5—4 rubli za kiłahram
Kapustu pradajuć pa 0,8—3 rubli za 1 kh, morkvu — pa 1—4, buraki — pa 1,9—4,5 rubla.
Hetym razam znajšli tannuju cybulu — ad 1,59 rubla za kiłahram. Jak praviła, jana na rynku prystojna daražejšaja, čym u sietkavych kramach
Rastuć u canie i piercy. Varyjanty patańniej abyducca kala 5 za kiłahram, darahija — 12.
Najbolšy šok vyklikali ceny na ahurki. Tak, tannyja varyjanty jość — pa 3 rubli za kiłahram, a ŭ siarednim pa rynku cana budzie 8—12 rubloŭ.
Samyja tannyja pamidory addajuć pa 3 rubli, u siarednim jany kaštujuć 5—10 rubloŭ.
Šmat i harbuzoŭ, 3—6 rubloŭ za 1 kh. Zručna, što ich režuć — možna kupić nievialiki kavałačak.
Časnok kaštuje 9—20 rubloŭ za kiłahram. Vyhadnymi zastajucca bakłažany — pa 2,9—8 rubloŭ za 1 kh.
Lasnych hryboŭ užo niama, tolki sušanyja baraviki. Šampińjony kaštujuć 7—11 rubloŭ za kiłahram.
Cana na zielaninu taksama paŭzie ŭvierch. Samaja prostaja kaštuje pa 15—30 u pieraliku na kiłahram, ale heta ŭsio adno tańniej, čym u kramach.
«Spytali, ja žyvaja ci nie». Biełaruski bjuć tryvohu: im telefanujuć ź milicyi i raspytvajuć pra trup2
«Spytali, ja žyvaja ci nie». Biełaruski bjuć tryvohu: im telefanujuć ź milicyi i raspytvajuć pra trup
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi5959
Kamientary