Biełaruski pravajdar vydaliŭ svoj kanał paśla publikacyi «Fłahštoka»
Słužbovy telehram-kanał biełaruskaha pravajdara beCloud, u jakim źjaŭlałasia infarmacyja pra pracu abo spynieńnie funkcyjanavańnia pieradavalnaha abstalavańnia, vydaleny. Heta adbyłosia paśla publikacyi «Fłahštoka» pra vychad sa stroju vyšak sotavaj suviazi na poŭdni Biełarusi pablizu miažy z Ukrainaj, piša vydańnie.
U svaim materyjale «Fłahštok» spasyłaŭsia na infarmacyju z hetaha telehram-kanała. Ciapier jon niedastupny.
Raniej «Fłahštok» paviedamlaŭ, što na poŭdni Biełarusi kala miažy z Ukrainaj pierastali pracavać bazavyja stancyi A1 i MTS.
Kanał «beCloud manitorynh» byŭ adkrytym, ale małaviadomym resursam kampanii-apieratara. Jon mieŭ nie bolš za 40 padpisčykaŭ i byŭ całkam pryśviečany bazavym stancyjam sietki: ich adklučeńniu, ramontu abo ŭstalavańniu novych.
Kampanija beCloud (Sumiesnaje tavarystva z abmiežavanaj adkaznaściu «Biełaruskija vobłačnyja technałohii») ciesna źviazanaja ź dziaržavaj: 51% akcyj naležyć dziaržaŭnaj struktury — Nacyjanalnamu centru abmienu trafikam, a 49% — rasijskamu inviestaru.
Kampanija źjaŭlajecca adnym ź viadučych pastaŭščykoŭ vobłačnych rašeńniaŭ, IT-infrastruktury i chostynhu ŭ Biełarusi. Pravajdar akazvaje pasłuhi na bazie apornaj sietki dla Adzinaj sietki pieradačy danych i Respublikanskaha centra apracoŭki danych. Kampanija, zasnavanaja ŭ 2012 hodzie, stała pieršym infrastrukturnym apierataram krainy.
beCloud zajmajecca ŭ tym liku prajektavańniem, budaŭnictvam, abstalavańniem i ekspłuatacyjaj apornaj sietki pieradačy danych dla Adzinaj respublikanskaj sietki pieradačy danych (ARSPD), adzinaj sietki LTE (technałohija vysakachutkasnaha mabilnaha internetu 4G), a taksama raźvićciom i testavańniem vysakachutkasnaha mabilnaha internetu 5G.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi31
Kamientary
Jeśli nie my, to kto, da?