Ci moža tak być i ci zakonna heta?
Pakupniki pryvykli šukać na ceńnikach źnižki i akcyi, ale časam dla bolš vyhadnaj pakupki dastatkova vybrać peŭny sposab apłaty. Čytač źviarnuŭ uvahu na niezvyčajnyja ceńniki ŭ adnoj ź minskich kram: košt tavaru tam zaležyć ad taho, jak i dzie za jaho raźličvacca. Mužčyna ździviŭsia i vyrašyŭ vyśvietlić, ci zakonna heta, piša Onliner.by.
— Krama «Chit» u Minsku na vulicy Jana Rajnisa. Ceny pry apłacie bieznajaŭnym raźlikam nižejšyja, čym u kasira. Nakolki heta naohuł zakonna? — cikavicca čytač.
Na fatahrafijach vidać, što na ceńnikach paznačany adrazu dva košty. Naprykład, paŭtaralitrovaja butelka małaka «Minskaja marka» kaštuje 4,26 rubla, a pry apłacie kartkaj na kasie samaabsłuhoŭvańnia — 4,15 rubla. Źnižka składaje 3%.
Jość i bolš prykmietnaja roźnica. Kiłahram cukierak «Dajež'» abydziecca ŭ 19,03 rubla pa zvyčajnaj canie, a pry apłacie kartkaj na kasie samaabsłuhoŭvańnia — u 16,99 rubla. Ekanomija — krychu bolš za dva rubli.
Padobnaja historyja i ź inšymi praduktami. Naprykład, 300‑hramovaja ŭpakoŭka sałaki kaštuje 5,02 rubla, a pry vykanańni ŭmoŭ źnižki — 4,69 rubla. Za 150 hramaŭ fareli zamiest 10,26 rubla možna zapłacić 9,59 rubla.
Pry hetym na ceńnikach asobna paznačana, što źnižka dziejničaje mienavita pry apłacie kartkaj na kasie samaabsłuhoŭvańnia. Heta značyć, sprava nie tolki ŭ bieznajaŭnym raźliku, ale i ŭ vybary kasy.
A što z hetaj nahody kaža zakon? Žurnalisty źviarnulisia da jurysta pa abaronie pravoŭ spažyŭcoŭ Ivana Rajkieviča i paprasili patłumačyć, ci moža krama ŭstaloŭvać takija ŭmovy.
— Nasamreč zakon dazvalaje takija dziejańni. Tak, u punkcie 4 artykuła 9¹ zakona «Ab abaronie pravoŭ spažyŭcoŭ» skazana, što pradaŭcu zabaroniena ŭstanaŭlivać u dačynieńni da adnaho vidu tavaraŭ roznyja ceny ŭ zaležnaści ad formy apłaty tavaraŭ. Pry hetym pradaviec moža ŭstanaŭlivać źnižki, inšyja formy stymulavańnia realizacyi tavaraŭ, a taksama raźlikaŭ u bieznajaŭnaj formie. Inšymi słovami, stymulavać spažyŭcoŭ kuplać pa kartcy možna, a voś naadvarot — nie.
Ciapier čytajuć
U ramkach «novaj architektury biaśpieki» Maskva prapanuje vyvieści jadziernuju zbroju i «Arešnik» ź Biełarusi — infarmacyja pra pieramovy ŭ Abu-Dabi34
Kamientary